Loading...

හද බස



රාවය පුවත්පතත් සමග පළවන හදබස විශේෂාංගය ස‍ඳහා ලිපියක් සම්පදානය කිරීමේ වගකීම මට පැවරුණාම හිතට ආපු මුල්ම නම දීපානි සිල්වා. ඇයව මට මතක තිබුණේ නාලන් මෙන්දිස් මහත්මයා නිර්මාණය කරපු සෙනෙහෙවන්තයෝ ටෙලි නාට්‍යයේ සිරිපිනා විදියටයි. ලීලසේන එක්ක කොයිවෙලෙත් පැටලෙන සිරිපිනා හාමි ඒකාලේ නොයෙක් තරාතිරමේ රූපවාහිනී රසිකයන් අතර එකවිදියට ජනප්‍රිය වුණා. මේ ඇයත් මමත් අතර ඇතිවුණු සංවාදය ඇගේම වචනවලින්. 

දෙයියන්ගේ කැඳ



අඩු ආදායම්ලාභී පවුල්වල දරුවන්ගේ පෝෂණ ඌනතා මගහැරවීම ඉලක්ක කරගනිමින් 2006 වසරේ සිට පාසල් දරුවන් මූලික කරගත් විශේෂ පෝෂණ ව්‍යාපෘතියක් රජය විසින් ක‍්‍රියාත්මක කරනු ලබයි. ඉහත ව්‍යාපෘතියට සමගාමීව 2014 මැයි මාසයේ සිට උතුරුමැද පළාත් පාසල් දරුවන්ට දේශීය සහල් අඩංගු කැඳ වේලක් ලබාදීමට කටයුතු කර තිබේ.ඒ අනුව සෑම සතියකම අඟහරුවාදා හා බ‍්‍රහස්පතින්දා යන දෙදින අනිවාර්යයෙන්ම ‘හෙළ සුවය’ කැඳ නම් වූ කැඳ වර්ගයක් පානය සඳහා ලබාදීමට අධ්‍යාපන සේවා අමාත්‍යාංශය විසින් කටයුතු කර තිබේ.

සෙල්ලමක් නොවන මුහුදු රළ සමග ජීවිතය පරදු තබන ලෙල්ලමක මිනිස්සුන්ගේ කතාව.



"මේ දවස්වල බලයෝ කෙලවල්ලෝ දැල්වලට අහුවෙනවා අඩුයි. නැත්නම් මෙතෙන්ට වැඩිපුරම එන්නේ උන් තමයි. මොකද පසුගිය දවස් ටිකේ පෝයනේ. හඳ කාලෙට නයිලෝන් දැල්වලට මාළු වැටෙන්නේ නැහැ. හඳ එළියට මාළු දැල් දිලිසෙනවා. එතකොට මාළු කූරයියෝ දැළ ළට කිට්ටු වෙන්නේ නැහැ. එදාට අපිට මාළු අස්වැන්න අඩුයි."

මිනිසත්කම මගහැරුණු විනිශ්චය.



ජේන් තරුණ කාන්තාවක්. ඇය ගුවන්තොටුපලේ සෝෆාවක වාඩිවෙලා බලාගෙන ඉන්නේ තමන්ගේ ගුවන්යානය එනතෙක්. නමුත් ඇයට තවත් බොහෝ වෙලාවක් ගුවන් තොටුපලේ රැඳී ඉන්න වෙනවා, මොකද ඇයගේ ගුවන්යානය අද සාමන්‍ය වෙලාවට වඩා ටිකක් පරක්කු නිසා. ජේන් තීරණය කරනවා පොතක් මිළදීගෙන ගුවන් යානය එනතුරු එය කියවන්න. ගුවන්තොටුපලේ පොත් සාප්පුවකින් පොතක් මිළදී ගන්න ඇය ඒත් එක්කම බිස්කට් පැකට්ටුවක් මිලදී ගන්නත් අමතක කරන්නේ නැහැ.

සෙනසුරාදාවක සවස් වරුවක සුන්දර මීගමුවේ අමුතු වෙළ‍ඳපොලකට ගමනක්.


පසුගිය සෙනසුරාදා හවස් වරුවේ විවිධාකාර මිනිස්සු අතරින් මම ගෙඩවුනේ රටේ වෙනත් තැනක දකින්න නොලැබෙන ආකාරයේ අපූරු වෙළඳපොලකට - මීගමුවේ නයිට් බසාර් එකට.

මගේ පෑන ඔබේ තුවක්කුවට වඩා බලවත්ය.



"ඔබ අනාරාධිතයෙකු නම් කරුණාකර සීනුව නාද නොකරන්න"

Train to Pakistan, The Sunset Club ඇතුළු කෘතීන් සිය ගණනක් රචනා කළ ලොව ප‍්‍රකට ඉන්දීය ලේඛක කුෂ්වන්ත් සිං - නවදිල්ලි නුවර ඔහුගේ නිවසේ දොරටුව ඉහළ ලියා තිබුණු ඉහත වැකිය තුළින් ඔහු කවුරුන්ද යන්න පැහැදිලිව හඳුනාගත හැකිවේ. 

අමතක නොවන රාවයේ දවස.



අද මම රාවය පත්තරේ වැඩට යන පළවෙනි දවස. 

උදෙන්ම මම වෙනදා නැති බයකින් ලැහැස්ති වුණා. උදේ 7.00 ට කැම්පස් එක ඉස්සරහින් කොළඹ කොටුවට යන්න බස් එකට නැග්ගා, කොටුවෙන් 138 මහරගම බස් එකක නැග්ගා. 
© 2014 සරුංගලේ - the kite blog . Powered by Blogger.
Back To Top